Əsrin alovlu peşəsi
I XIX əsrin ikinci yarısında, Azərbaycanda yanğından mühafizə xidmətinin olmadağı dönəmdə neft sənayesinin inkişaf etməsi, Bakıda fabrik və zavodların sayının artması yanğın hadisələrinin sayının çoxalmasına səbəb olurdu.
II Azərbaycanda yanğın komandasının yaradılmasının ilk təşəbbüskarlarından biri böyük sahibkar və mesenat H.Z.Tağıyev olub. Göstərdiyi səy öncə cavabsız qalsa da, o bu məsələ ilə bağlı dəfələrlə Duma iclaslarında təkliflər irəli sürmüş1, hətta özünə məxsus evlərdən birini yeni yaradılacaq yanğın komandasının istifadəsinə verməyə hazır olduğunu bildirmişdi.
III 1885-ci il mayın 16-da yaradılan yanğından mühafizə komandasının təchizat məsələsi ilə bağlı Duma müvafiq qərar qəbul etsə də, avadanlıqların yerləşdirilməsi üçün komandanın binasının, habelə anbarının olmaması ciddi problem yaratdı. Lakin H.Z.Tağıyev bu problemi həll etdi və yanğınsöndürmə komandası üçün yeni binanın tikintisinə öz evlərinin birinin həyətində yer ayırdı.
IV Azərbaycan dövlət müstəqilliyini bərpa etdikdən sonra və Ulu öndər Heydər Əliyevin siyasi hakimiyyətə qayıtması ilə digər sahələrdə olduğu kimi, yanğınsöndürənlərin də həyatında ciddi dönüş yarandı, 29 may 1996-cı il tarixi qərarı ilə DİN-in nəzarəti altında “Yanğına qarşı mühafizənin təşkili və texnikası” ixtisası üzrə xüsusi orta-ixtisas təhsili verən Bakı Yanğın Texniki Məktəbi yaradıldı.
V Prezident İlham Əliyevin Fövqəladə Hallar Nazirliyinin yaradılması ilə əlaqədar 16 dekabr 2005-ci il tarixli sərəncamından sonra yanğından mühafizə qurumları yeni nazirliyin tərkibinə verildi, DİN-in nəzarətindən çıxarıldı. Bundan sonra yeni inkişaf mərhələsinə qədəm qoyan2 yanğından mühafizə xidməti respublikamızın bütün bölgələrində fəaliyət göstərir və ən müasir yanğın avtomobilləri, yanğın avadanlıqları, xüsusi geyimlərlə təchiz olundu3.
VI Göründüyü kimi, Azərbaycanda yanğından mühafizə sisteminin formalaşması bir əsrdən artıq dövrü əhatə edir. Bu müddət ərzində yanğınsöndürənlərimiz həm respublikada, həm də bir sıra xarici ölkələrdə od-alovla və təbii fəlaktlərlə mübarizədə böyük şücaət göstəriblər.
VII Ümumiyyətlə, Azərbaycanın yanğından mühafizə qurumlarının yarandığı gündən bu vaxta qədər oddan-alovdan yoğrulduğunu söyləsək, yanılmarıq. Necə deyərlər, çörəyi oddan-alovdan çıxanlar bir əsrdən artıqdır ki, öz peşələrini şərəflə yerinə yetirirlər4. Bu yaxınlarda, 28 iyul 2021-ci ildə qardaş Türkiyənin Manavqat bölgəsində başlayan güclü meşə yanğını küləyin və isti hava temperaturunun təsiri ilə daha 17 bölgəyə də yayılmışdı. Həmin dəhşətli meşə yanğınlarının söndürülməsində, iri şəhərlərin, kəndlərin, qəsəbələrin, fərdi yaşayış evlərinin yanğından mühafizə olunmasında yanğınsöndürənlərimizin etdikləri fədakarlıqların dünya mediasını zəbt etməsi5 onların necə şərəflə bu peşəni sahiblənmələrinin sübutudur.
1.Mətnə əsasən yanlış fikri müəyyən edin.