Fulya
44 günlük Vətən müharibəsi dövründə onun adını eşitməyən, demək olar ki, qalmadı. Qarabağda, ümumiyyətlə, Azərbaycanda baş verənləri diqqət mərkəzində saxlamağa çalışan türkiyəlilərə ən son xəbərləri vaxtında çatdırmağa çalışanlardan biri də o idi. O, türkiyəli jurnalist Fulya Öztürkdür.
Fulya Öztürk 1989-cu ildə Adanada anadan olmuşdur. I İlk təhsilini anadan olduğu şəhərdə almışdır. Mərmərə Universitetinin jurnalistika fakültəsinə daxil olan Fulya birinci kursda oxuduğu vaxtdan etibarən işə başlamış, müxtəlif informasiya agentliklərində təcrübə keçmişdir. Tələbəlik illərində şahid olduqları ona iş həyatında bəhrələnmək üçün zəngin təcrübə qazandırmışdır. II Universiteti bitirdikdən sonra müxtəlif televiziya kanallarında müxbir, redaktor və s. işləmişdir. Qorxu bilmədən qaynar nöqtələrə yollanan Fulyanın göndərdiyi materiallar onu bacarıqlı jurnalist kimi tanıtmışdır.
III “Dünyaya yenidən gəlsəydim, yenə jurnalist olmağı seçərdim”, – deyən Fulya öz sənətinin vurğunudur və bu sahədə böyük uğurlara imza atmışdır. Myanmarda baş verən soyqırım, Afrikanın təbii fəlakətləri, pandemiya dövründə həkimlərin gərgin iş qrafiki haqqında hazırladığı reportajlar izləyicilər tərəfindən ........ qarşılanmışdır. IV Ölkədə davam edən vətəndaş müharibəsinə görə bir çox suriyalılar İzmirə gələrək qanunsuz yollarla Avropaya qaçmaq istəyirdilər. Həmin suriyalılar haqqında çəkdiyi sənədli film Fulyaya böyük uğur gətirmişdir.
O, tanınmış jurnalistdir, amma bununla kifayətlənmir. V Daim öz üzərində çalışır, özünü inkişaf etdirir. İbtidai təhsil illərindən musiqi təhsili alan Fulya türk sənət musiqisinin bilicisidir, doğulduğu Adana şəhərində skripkada ifa edərək konsert vermişdir.
Azərbaycan Respublikası Mədəniyyət Nazirliyinin sifarişi ilə qəlbində Azərbaycan sevgisi yaşadan və bunu bütün davranışları ilə hiss etdirən Fulya Öztürk haqqında ölkəmizdə sənədli film çəkilmişdir. “Fulya” adlanan filmdə müharibə xəbərlərinin, xüsusilə Gəncə hadisələrinin dünyaya çatdırılmasında böyük xidmətləri olan Fulya Öztürkün fəaliyyəti işıqlandırılmışdır.
Hansı sualın cavabını mətndə tapmaq mümkündür?